Ek roz aik sahib e zulfe daraz ne
Efforts: Syed-Rizwan Rizvi

Ek roz aik sahib e zulfe daraz ne
Hum se kaha ke kab yeh hunar mand ki baat hay
Aata nahi hay zikre rasul e khuda (sawaw) tumhe
Bas Fatema(sa) ki baat hay Haider(as) ki baat hay

Mayne kaha ke zikre rasul e khuda (sawaw) karu
Kehne lage ke haan yahi jaohar ki baat hay
May ne kiya jo daawat e awwal ka tazkera
Bole hatao is me to hayder(as) ki baat hay

May ne kaha jihade e Payambar(sawaw) karu bayan
Khandak ka zikr hay kahin khaibar ki baat hay
Kehne lage ke aur koi tazkera karo
Isme to saab khaibar e daawar ki baat hay

May ne sunaya aayae tatheer ka nuzool
Bole ke ghar ke ghar me rehne do yeh ghar ki baat hay

May ne nabi (sawaw) ke budh shikni ka kiya jo zikr
Bole ke dukhti hui rag ko na chediye
Paye Ali(as) aur dosh e payambar (sawaw) ki baat hay

Mayne sunaya jub shab e hijrat ka wakiya
Bole ke yeh rasool (sawaw) ke bistar ki baat hay

May ne nabi (sawaw) ke aakhri haaj ka kiya jo zikr
Bole ke yeh gadeer ke mimbar ki baat hay

May ne kaha ke zikre nabi(sawaw) kis tarha karu
Ahmed (sawaw) ke baat baat me Haider(as) ki baat hay

Bole ke zikr auron ka aata nahi hay kyun
May ne kaha ke yeh to mukaddar ki baat hay