Matla e Imamat par chand panchwan chamka
Efforts: Syed-Rizwan Rizvi

Matla e Imamat par chand panchwan chamka
Ho gayi zameen roshan aur aasman chamka

Ilm ki farawani fikr ki jahan bani
Ilm un ki hikmat se ho ke be khazan chamka

Kamsini ke aalam may Karbala may Koofa may
Qalb un ke har lamhe ho ke khoon chakaan chamka

Baqir e uloom un ko is liye bhi kehtay hain
In ke baad dunya may jahl phir kahan chamka

Soorat e Ali ye bhi mushkilon may kaam aaye
Sailoon ki qismat ka doar e raigaan chamka

Sadqay un ke waday par aur wafa e waday par
Manqabat yahan un ki khuld may makaan chamka

Faiz Panjtan ka hay aey Rehan ye tujh par
Shaeri ne di izzat ban ke madha khawan chamka