Maqam e Mehmood ki bulandi hay paey Khairul wari ke neechay
Efforts: Syed-Rizwan Rizvi

Maqam e Mehmood ki bulandi 
Hay paey Khairul wari ke neechay
Nahi hay Yasrib si koi basti
Zamee pe arsh e ula ke neechay

Ali ki talwar ki karamaat 
Marhab o abdwad se poocho
Har ik jahannum ko hi sidhara 
Jo aa gaya is qaza ke neechay

Na hashr tak uth sakay ga ab woh 
Gawah tareekh e Karbala hay
Nazar se Asghar ne Hurmula ko 
Kuch aisay mara utha ke neechay

Wo jin ki khaatir jahan banaye 
Zameen aur aasma sajaye
Na un ko dhoondo milain ge saray
Wo Fatima ki kisa ke neechay

Woh chahta to hazaron zamzam
Hazaron Kausar uchal deta
Simat ke pani tarrap raha tha
Hussain ke naqsh e paa ke neechay

Idhar udhar na phiro mareezo 
Hussainiat ke matab may aao
Sihfa to aaram kar rahi hay 
Zameen e Karb o bala ke neechay

Na is ko cherro na is ko parkho 
Na mit saki hay na mit sakay gi
Ye qom sari chupi hui hay 
Dua e khairul wara ke neechay

Nabi ke beton ki nisbaton ne 
Urooj izzat dawam bakhsha
Khushi se Shehzad hans rahay thay 
Raqeeb mujh ko gira ke neechay