Dua Fatima(sa) ki ham ahle aza hain
Efforts: Abiha Rizvi



Dua Fatima ki hum ehl e azaa hain
Hume aazmaane ki koshish na karna
Muqallid hain Meesum ke daar o rasan se
Kabhi bhi daraane ki koshish na karna

Dua Fatima ki

Vilayat ke munkir sai yeh keh rahi hay
Lahoo ki taharat sada de rahi hay
Najaf ki zameen hai saqifa nahi hay
Yahan aap aane ki koshish na karna

Dua Fatima ki

Wahan bhi Ali ne ki mushkil kushai
Lehed ke sirhane sai aavaaz ayi
Azaadar e Sarwar hay soonay do isko
Farishtoon jagaane ki kooshish na karna

Dua Fatima ki

Kajaavon ka mimbar banaya Nabi ne 
Ye hukm e Khuda hay bataya Nabi ne
Ali ke siwa jaa nashin e Muhammad 
Kisi ko banane ki koshish na karna

Dua Fatima ki

Musalsal hay pehera wahan anbia ka
Jahan par saja hay alam bawafa ka
Khabardar kehde koi mushkilon say 
Wahan aane jaane ki koshish na karna

Dua Fatima ki

Khuda hukm deta hay mere Muhammad
Kiye jayen sajdoon pe sajde Muhammad
Hussain aap ki pusht par aa gaye hain
Abhi sar uthane ki koshish na karna

Dua Fatima ki

Khuda ki qasam shak nahi isme koi 
Nigehban khud hay Muhammad ki beti
Charagh e azadaari jalta rahega
Hawaon bujhaanay ki koshish na karna

Dua Fatima ki

Hay nokar Ali ka azal se mizajan 
Bigarh jaye ga misl e toofaan fauran
Takallum ke aage uduve Ali ka 
Qasida sunane ki koshish na karna

Dua Fatima ki Hum ehl e azaa hain
Hume aazmaane ki koshish na karna