May to Panjtan ka ghulam hoon
Efforts: Syed-Rizwan Rizvi

May to Panjtan(as) ka ghulam hoon
May faqeer-e-khairul anaam hoon
May mureed-e-khairul anaam hoon
May ghulam ibn-e-ghulam hoon

Mujhe ishq hay to Khuda se hay
Mujhe ishq hay to Rasool se
Yeh karam hay sara Batool(as) ka
Meray mooh se aaye mehak sada
Jo may naam loon tera jhoom kay

================================================
Bedam yehi to panch hain maqsood-e-qainat
Khairun Niha, Hussain o Hasan Mustafa Ali
================================================

Mujhe ishq sarw-o-saman se hay
Mujhe ishq saray chaman se hay
Mujhe ishq un ke watan se hay
Mujhe ishq un ki gali se hay
Mujhe ishq hay to Ali(as) se hay
Mujhe ishq hay to Hasan(as) se hay
Mujhe ishq hay to Hussain(as) se
Mujhe ishq Shah-e-Zaman(as) se hay
May to Panjtan ka ghulam hoon

================================================
Shah ast Hussain, badshah ast Hussain
Deen ast Hussain, deen panah ast Hussain
Sar dad na dad dast dar dast-e-Yazeed
Haqqa ke bina-e-La ilah hast Hussain
================================================

Mera shair kia tera zikr kia
Meri baat kia meri fikr kia
Meri baat un kay sabab se hay
Mera shair un ke adab se hay
Mera zikr un ke tufail se
Meri fikr un ke tufail se
Kahan mujh me itna sakat bhala
Ke ho manqabat ka bhi haq ada

================================================
Mujh pe kitna Niazi karam ho gaya
Dunya kehnay lagi Panjtan ka gada
Is gharanya ka may jab se nokar hua
Sab se achchi meri nokri ho gaye
================================================

Hua kaisay tan se woh sar juda
Jahan ishq ho waheen Karbala
Meri baat un hi ki baat hay
Meray samnay wohi zaat hay
Wohi jin ko sher-e-Khuda kahain
Jinhain bab-e-Salle ala kahain
Wohi jin ko aal-e-Nabi kahain 
Wohi jin ko naad-e-Ali(as) kahain
Wohi jin ko zaat-e-Ali(as) kahain
Wohi pukhta hain may ti khaam hoon
May to Panjtan ka ghulam hoon

================================================
Le khamstu utfi beha harril wabail hatima
Al Mustafa wal Murtaza wabna huma wal Fatima
================================================

May Qamar hoon shair-e-be nawa
Meri haisiat hi bhala hay kia
Woh hain badshahoon ke badshah
May hoon un ke dar ka bas ik gada
Yeh to nisbaton ka hay silsila
Mera Panjtan se hay wasta
Mera Panjtan se hay rabta
May faqeer-e-khairul anaam hoon