Qarar e jan e dil e Mustafa(sawaw) Hussain(as) se hay
Efforts: Syed-Rizwan Rizvi



Qarar e jan e dil e Mustafa(sawaw) Hussain(as) se hay
Shikasta dil ko barra hosla Hussain(as) se hay

Liye hain chadar e tat-heer may unhain Zahra(sa)
Bahar e gulshan e khairul wira Hussain(as) se hay

Ali(as) ke laal se mat kar sawal bai-at ka
Yazeed hosh may aa samna Hussain(as) se hay

Lahoo se apnay jalaya tha roz e aashoora
Nabi(sawaw) ke deen ka roshan diya Hussain(as) se hay

Naseeb us ko kahan qurbat e Rasool e zaman(sawaw)
Kisi ke dil may agar fasla Hussain(as) se hay

Kata ke sajday may sar marzi e Khuda le li
Waqar e sajda e Rabbul ula Hussain(as) se hay

Raza jo chaho duyain ho aaj sab ki qabool
To istijabat e harf e dua Hussain(as) se hay