May khush naseeb hoon mujh par karam Hussain(as) ka hay
Efforts: Syed-Rizwan Rizvi



May khush naseeb hoon mujh pe karam Hussain(as) ka hay
Ata kia hua sara bharam Hussain(as) ka hay

May moatabar hoon jahan may Hussain(as) ke sadqay
Qasam Ali(as) ki meray dam may dam Hussain(as) ka hay

Yazeediat ko huay sarnigoon huay zamana hua
Baland aaj bhi laikin alam Hussain(as) ka hay

Falak ki aankh se girtay hain aaj bhi ansoo
Falak ke seenay may aaj bhi gham Hussain(as) ka hay

Khuda ne di hay unhain jannaton ki sardari
Khuda bhi dekh Asad hamqadam Hussain(as) ka hay