Allah jaane, kahan ho aey baba
Efforts: Mrs. Nighat Rizwan



Jab shaam ke zindaan mei huwi, shaam haram ko
Ik aan-na raahat thi-na araam haram ko
Har baar tapakta tha lahu, ashk rawaan se
Zindaan larazta tha (x2) Sakina ki fugha se

Allah jaane, kaha ho aey baba (x2)
Baba kitni raate guzar gayi baba, Allah jaane, kaha ho ay baba

Chotay se sin may qaydiye zindaan ho gaye (x3)
Baba mei kyu na aap pe (x2) qurbaan hogayi
Allah jaane, kahan ho aey baba (x2)
Itni raatain guzar gayeen baba

1. Dil mei jo mere dard hai khaliq ke hai ayaan
Kisko kahun mei baap mere, baap hai kahaan
Tum be-kafan mei be-saroo samaan hogayi
Allah jaane, kahan ho aey baba (x2)

2. Kya kya na khalq karne hakarat se behgayi
Mei bekasi se dekhke muh sabka rehgayi
Kurta phata huwa meri pehchaan hogayi
Allah jaane, kahan ho aey baba (x2)

3. Gar aah ki to shimr pukara khamosh ho
Aur chup huwi to be-padari ne kaha ke ro
In afato mei girke pareshaan hogayi
Allah jaane, kahan ho aey baba (x2)

4. Be jurm kaan zakhmi huwe aur tamache khaaye
Jo chaahe mujh falak ki sataayi ko phir sataaye
Shehzaadi-e-hussain ki ye shaan hogayi
Allah jaane, kahan ho aey baba (x2)

5. Sadke gayi bataawo kaha hai mere padar
Aaye padar to jaaye sakina bhi apne ghar
Kyu aise zalimon ki mei mehman hogayi
Allah jaane, kahan ho aey baba (x2)

6. Pothi hun uski jo ke hai kohnain ka ameer
Jisne hazaro qayd se chudwaaye diyey aseer
Ummat nabi ki dekhke anjaan hogayi
Allah jaane, kahan ho aey baba (x2)

7. Jab sarpe shah-e-deen ke sakina ne phiri nazar
Chillaayi roke haye gazab mar gaye padar
Baba ke sar ko dekhke hayraan hogayi
Allah jaane, kahan ho aey baba (x2)

8. Mu rakh ke mu pe shaah ko royi jo dil fighaar
Sadma huwa nikaalne lagi tan se jaan-e-waar
Nanhi si jaan jaan se bejaan hogayi
Allah jaane, kahan ho aey baba (x2)

9. Bas ay "ANEES" bazm mei hai giryaa-o-buka
Sadiyoon talak rulaayenga sabko ye marsiya
Bali sakina qarb ka unhwaan hogayi
Allah jaane, kahan ho aey baba (x2)