Aey meray naiza sawar baba
Efforts: Syed-Rizwan Rizvi



Ek bachchi phhol si jis ka Sakina naam tha
Ro rahi thi Shaam ki rahon mein wo karke buka
Kartay thay tum kitna pyar baba
Aey mere naiza sawar baba (x3)

1. Chal nahi sakti sakina raaste dushwar hay
Aablay hein pawon mai or aablon may khar hay
Ankh hay nam dil figaar baba
Aey mere naiza sawar baba (x2)

2. Neelay hain rukhsaar mere, aur gale mai hay rasan
Tashnagi be waarsi lachargi or be watan
Aik hay dil gham hazaar baba
Aey mere naiza sawar baba (x2)

3. Aap ke sine pe baba chein se soti thi may
Aap tarrapte jo kisi bat pe roti thi may
Roti hu zaaro qatar baba
Aey mere naiza sawar baba (x2)

4. Be rida sab bibiya hain Shaam ka bazaar hay
Zabte gyara nahi hay sabr bhi dushwar hay
Sabr ke parwardigar baba
Aey mere naiza sawar baba (x2)

5. Milna sakungi kabhi may aap se aey baba jaan
Aap ka roza bane ga Karbala ke darmiyan
Shaam me mera mazar baba
Aey mere naiza sawar baba (x2)

6. Yaad isi baat pe aata hay ghar aksar mujhe
Aaj kanizi mai bulata hay sitamgar mujhe
Koi nahi gham guzar baba
Aey mere naiza sawar baba (x2)

7. Khati thi jab bhi tamache Shimre sitamgar se
Aap ke chehre ki simth be kasi aur yaad se
Dekhti thi bar bar baba
Aey mere naiza sawar baba (x2)

8. Kon hay pursane haal pyas bujhaye ga kon
Baliyan meri sitamgaro se dilayen ga kon
So gaye sab jaanisar baba
Aey mere naiza sawar baba (x2)