Kia mujhe chorr kar sab chale jayenge
Efforts: Syed-Rizwan Rizvi

Kya mujhe chorr kar sab chale jayenge
Haey Amma, aray suno Amma

Aray aapse mei bayaan, dil ka haal karun,
Aray dil mei uth-ta hay jo, ik sawaal karun
Qaid se jab rihaai haram paaenge (x2)
Kya meri qabr pe phir nahi aaenge (x2)
Sirf ranjo alam (x2) mujhko tadpaaenge
Kya mujhe chorr kar sab chale jaaenge

1. Kya isi qaid mei ghut ke marjaaungi,
Kya mei do gaz kafan bhi nahi paaungi,
Mailay kurte meh kya mujhko dafnaaenge

2. Sarse paaun talak may lahu me hun tar,
Mera zakhmon bhara ye badan dekh kar,
Sirf zaalim nahi zulm pashtaaenge

3. Shaam waale karenge abhi kuch sitam,
Mujh ko khaae chala jaa raha hay ye gham,
Ye meri qabr pe Shimr ko laaenge

4. Dekh kar zakhm baba ke ghabraayi may,
Hashr may baap ke paas jab aayi may,
Dekh kar mujhko baba bhi ghabraaenge

5. Karbala hay kahaan aur kahaan Shaam hay,
Na mujhe chain naa unko aaraam hay,
Woh mujhe karbala roz bulwaaenge

6. Karbala jaake baba se ye puchna,
Hashr may unse jab ho mera saamna,
Kya mujhe apne sine se liptaaenge

7. Kehna Sughra se apna chaman mil gaya,
Ho mubarak tumhe to watan mil gaya,
Hashr tak ham musaafir hi keh laaenge

8. Shaam may hi meri sham ho jaaegi,
Ye kahaani agar aam hojaaegi,
Baap beti se kab pyaar farmaaenge

9. Ham na funkaar hay aur na ehle kalam,
Hai ye FARHAAN O SHOUKAT pe unka karam,
Hamse Shabbir nauha kehel waaenge
Kya mujhe chorr kar sab chale jaaenge