Mayyat hay Sakina ki andhera haey zindan
Efforts: Syed-Rizwan Rizvi

Mayyat hay Sakina ki andhera haey zindaan (x2)
Allah na dikhlaye ab aisa zindaan
Mayyat hay Sakina ki andhera haey zindaan (x2)

1. Kurte ka kafan, ghusl, diya aashkon se jisko
Dafnaya use kaise ye Sajjad se poocho
Khamosh huwi bachi (x2) to rota raha zindaan

2. Urte huwe dekhe jo parinde to pukari
Aey taeron Sughra ko khabar do ye hamari
Tum khush raho Sughra (x2) meri kismat may tha zindaan

3. Kano ka lahoo chand se chehre pe jama tha
Khaimo may lagi aag to daaman bhi jala tha
Tanhaai may bachi ko (x2) dasta raha zindaan

4. Sehmi hui rehti thi sitamgaaro ke dar se
Shikwe kiya karti thi faqat baap ke sar se
Likha gaya qismat may (x2) ye kaisa zindaan

5. Ab khaakh pe soti hoo na takiya hai na bistar
Rakta nahi ek shamma koi ab to jala kar
Jeene nahi deta (x2) aey baba ye zindaan

6. Kehti thi phuphi qaid se kab hogi rehaai
Amma mere ammu ki, khabar kyun nahi aayi
Tukre kiye deta hay (x2) kaleja mera zindaan

7. Sar baap ka paaya to phir is tarha se soyi
Phir royi nahi uske liye maut thi royi
Deta raha Sajjad ko (x2) pursa sada zindaan

8. Maa kehti rahi aao utho neend se jaago
Azaad hui qaid se may jaati hoon ghar ko
Milne chalo Sughra se (x2) ke ab khul gaya zindaan

9. Ghar jaane ka armaan tha Sakina sma ko jo REHAN
Mar ke bhi na pura hua us bachi ka armaan
Masoom Sakina ka (x2) marqad bana zindaan