Maa mujhe apnay seenay se laga lay
Efforts: Syed-Rizwan Rizvi

Naizay se Asghar ko nazar aayi jo madar
Dekha khula sar hay pariyshaan hay muztar
Rone lage kehne lage tab Ali Asghar
Maa mujhe apnay seenay se laga lay
Maa mujhe apni godi me chupalay, Maa me naizay pe hu (x2)
Maa mujhe apnay sine se laga lay
Maa mujhe apni godi me chupa lay

1. Amaa bohath din huwe jhule me na soya
Maa teri izath ki khasam phir bhi na roya
Ab tuje dekha to mere lab huway goyaa
Aaj bandhe hathoon ko jhula sa bana le, seenay say laga lay….

2. Jism kahan sar hai kahan haaye muqaddar
Amaa badan rehgaya Karbal ki zamin par
Amaa tere saath chalaa aaya mera sar
Karta tujje kaise layeenoon ke hawaale, seenay say laga lay….

3. Garm hawaa garm zameen jalta huwa teer
Amaa zara socho mairay qad se bada teer
Kaise kahun halq pe jis waqt lagaa teer
Ho gaye bayhosh mujhe dekhne wale, seenay say laga lay….

4. Kabse Sakina ne nahi mujh se kiya pyaar
Karbobala Kufa kahan Shaam ka bazaar
Darti hai kya khoon se bhare, dekh ke rukhsaar
Naizay ke nazdeek zara usko bulalay, seenay say laga lay….

5. Dhoop me tu ne na kabhi ghar se na nikaala
Amaa baray pyaar se tu ne mujhe palaa
Aaj nahi koi mujhe dekhane wala
Tu hi mujhe dhoop ki shiddat se bachaale, seenay say laga lay….

6. Dekh teraa lakhtay jigar yun to hay Asghar
Naiza sawaari may hai Akbar ke barabar
Noke sina par hai sitaara sa mera sar
Meri shujaat pe gale mujko lagaale, seenay say laga lay….

7. Baba ka sar bhaayi ka sar noke sina par
Aap ke sarpe nahi ama koi chadar
Kaise me bardash karu ama ye manzar
Jalti huwi khak se moo apna chupale, seenay say laga lay….