Bicha ke farshe aza Fatima ko yaad karo
Efforts: Syed-Rizwan Rizvi

Bicha ke farshe Aza Fatima ko yaad karo
Alam sajao kisi be rida ko yaad karo (x2) 

1. Siyah kapre badan par ho sirf is gham may, (x2) 
   Ruke na ankh se ansoo kabhi Muharram may, (x2) 
   Libas-se Hazrate Zainul eba ko yaad karo

2. Kabhi sabeel se pani piyo to ye kehkar, (x2) 
   Mai teri pyas pe qurban Husain ki dukhtar, (x2) 
   Kabhi Sakina kabhi ba wafaa ko yaad karo

3. Gale mein shale-aza aur haath sinoo par, (x2) 
   Alam uta ke chalo yun dehakte sholo par, (x2) 
   Jo bekasoo pe huwi us jafaa ko yaad karo

4. Jhula jhulawo kisi be zabaan ka jab bhi, (x2) 
   To yaad karna zara bekasi wo banu ki, (x2) 
   Kabhi Rubab ki aaho buka ko yaad karo

5. Ghame Husain mila hai tumhe muqaddar se, (x2) 
   Sadaa Husain kay matam ki aaye ghar ghar se, (x2) 
   Husain Husain karo Karbala ko yaad karo

6. Wo jis ne deen ki khatir luta diya ghar ko, (x2) 
   Khuda ki raah me jis ne kataa diya sar ko, (x2) 
   Parho namaaz to us bay khataa ko yaad karo

7. Alam jo Hazrate Abbas ka uthate hain, (x2) 
   Dile Batool se lakho duain paate hain,
   Alam ke saye mein awo duwa ko yaad karo

8. Kabhi ye shoch ke tum dekhna phare-re ko, (x2) 
   Yahi to Zainab-E-Muztar ki aas thi logoo,
   Alam ko dekho to us berida ko yaad karo

9. Bahen ke samne doolha bane koi bhaayi, (x2) 
   Jo apne bhayi ka sehra na dekhnay paayi
   Usi gharib behen ki sadaa ko yaad karo

10. Khuda na khasta kismat ye din jo dikhlaye, (x2) 
    Kisi jawaa ko jawani mein maut aa jaaye,
    To hum shabihe Nabi ki qazaa ko yaad karo