Mujhe le chalo baba
Efforts: Syed-Rizwan Rizvi

Daman pakar ke kehti hay Baba ka aao gay
Le jao ge hame ke yaheen choar jaoo gay
Beemar ki khabar bhi kisi se mangao gay
Ya pyar me Sakina ke ham ko bhulao gay
Bachpan bhi tab bhi aur ye ghazab ki judai bhi
Maa baap bhi bicharte hain behne bhi bhaai bhi
Mujhe le chalo Baba, jane lagay Shabbir to kehne lagi Sughra

1. Bimaar pe tanhaayi ka khanjar na chaalawo, 
   Kyun  nazre churaate ho tumhe jaana hay jaawo, 
   Ek baat meri maan lo ache mere baba

2. Jaati hai kanize bhi kanizon  hi mei rakhlo, 
   Kab maine kahaa hai mujhe naaqe pe bithaao, 
   Paidal hi safar hoga mera karbobala ka

3. Waada hay ke zehmat na safar mei koi dungi, 
   Mei baalon se saya Ali Asgher ka karungi, 
   Rehne nahi dungi mei tumhe raah mei pyaasa

4. Mei paani pilaaungi tere naaqe ko baba, 
   Mei pusht pe rakhungi sada mashke Sakina, 
   Beshak kare aaraam safar mei teri Fizza

5. Akber ki ziyarat, mai, kiye jawungi har dam, 
   Didar hai Akber ka mere zakhmo ka marham, 
   Marne se bachalo mujhe chodo nahi tanha

6. Akber jo chale jaaenge mei kaise jiyungi, 
   Furqat ki aziyat ko bhala kaise sahungi, marjaaegi (x3)  Sughra

7. Samjaane lage beti ko yun Hazrate Shabbir, 
   Sughra hame maqtal mei liye jati hai taqdeer, 
   Ye kehke sadaen na do phat ta hai kaleja

8. Bimaar ho gharmi ki aziyat na sahoogi, 
   Tum raahe musibat me safar kaise karoogi, 
   Hojaae shifa khair se tab khat mujhe likhna

9. Nani ki hifazat mei diye jaata hu tumko, 
   Amma ki lahad dekh ke socha karo humko, 
   Ab zid na karo jaawo ye kehna na khudaara

10. Phir Suraa-E-Yasin ko parhne lagay Maula, 
    Beti ko dua deke pukaare Shah-E-Waala, 
    Marjaaunga ab gham se agar tum ne pukaara