Ghar say janay lagay shabbir to sughra nay kaha
Lay chalo mujhko b bimar tumhain day gi dua
Ho jana khafa rah main jo roye gi sughra
Yan neend kab ati hay jo wahan soye sughra
Baba, baba
Tanhayee saza hay mujhay aisi na saza do
Main ye nahi kehti k amari main bitha do
Baba, baba
Baba mujhay fizza ki sawari main bitha do
1. Sab baithain sawari pay main pedal hi chalon gi
Wada hay kisi ko koi takleef na dongi
Baba, baba
Amman say main hargiz na kahon gi k dawa do
2. Palkon say main saya ali asghar pay karongi
Amman ki sawari say boht door rahon gi
Baba, baba
Han keh k meri zeest k kuch roz barha do
3. Main pani pilaongi sawari ko tumhari
Behlaon gi rastay main sakina ko tumhari
Baba, baba
Jo kaam kanizon k hain sab mujh ko batado
4. Sab nazrain churatay hain koi dum nahi bharta
Such hay koi murday say mohabbat nahi karta
Baba, baba
Toqeer meri ye hay to marnay ki dua do
5. Kiya guzray gi jab ghar say chalay jain gay akbar
Kaisay mujhay har baat main yad aingay akbar
Baba, baba
Kab aingay lenay mujhay bhayya ye batado
6. Han apni mohabbat ka main izhar to karlon
Thehro ali asghar ko zara piyar to karlon
Baba, baba
Naaqay say jhalak nannay musafir ki dikhado
7. Rehan wo bimar ye thak haar k boli
Aey sarwar e zeeshan tamanna hay ye meri
Baba, baba
Jatay hay to turbat meri tum khud hi banado
Main ye nahi kehti k amari main bitha do
Baba mujhay Fizza ki sawari main bitha do |