Sakina(s.a.) Shaam mein mar kar yehi samjha gayee logo
Efforts: Syed-Rizwan Rizvi

Sakina(s.a.) Shaam mein mar kar yehi samjha gayee logo (x4)

Judayee baap kay seenay ki mujh ko kha gaye logo
Sakina(s.a.) Shaam mein mar kar yehi samjha gaye logo (x2)

1. Qafas gurbat udasi Shimr ka dar pyas ki shiddat (x2)
Sitam itnay howay Masoom ko maut aa gaye logo
Sakina(s.a.) Shaam mein mar kar yehi samjha gaye logo

2. Woh maa jo dhoop mein aksar Ali Asghar(a.s.) ko roti thi (x2)
Sakina(s.a.) ki qaza us par qayamat dhaa Gaye Logoon
Sakina(s.a.) Shaam mein mar kar yehi samjha gaye logo

3. Bandhay Haathoon pay ek beemar(a.s.) laya bahan ki mayyat (x2)
Yeh aulad-e-Nabi(a.s.) par kaisi gurbat chaa gaye logo
Sakina(s.a.) Shaam mein mar kar yehi samjha gaye logo

4. Bahan ki laash haathoon pay liye Sajjad(a.s.) kehtay thay (x2)
Gulistan-e-Imamat(a.s.) ki kali murjhaa gaye logo
Sakina(s.a.) Shaam mein mar kar yehi samjha gaye logo

5. Padar ki khoon bhari gardan pay bachi nay jo lab rakhay (x2)
Yeh manzar daykh ker to khud qaza ghabra gaye logo
Sakina(s.a.) Shaam mein mar kar yehi samjha gaye logo

6. Chacha baba barader sab kay sab to Karbala soye (x2)
Sakina(s.a.) ko na jaanay Shaam kaisay bhaa gaye logo
Sakina(s.a.) Shaam mein mar kar yehi samjha gaye logo

7. Likho Shaukat parho Sarwar battayo saari dunyia ko (x2)
Ali(a.s.) ki laadli poti shahadat paa gaye Logo
Sakina(s.a.) Shaam mein mar kar yehi samjha gaye logo