Hussain(a.s.) Ka matam
Efforts: Ali Asghar Patel

Waqar-e-Deen-e-Khuda hay Hussain ka matam
Payambaroon ne kiya hay Hussain ka matam

Zamana laakh mukhalif ho ruk nahi sakta
Ke Fatima ki dua hay Hussain ka matam

Kisi bhi ghair ke dar par woh kaisay phailay ga
Jo haath karta raha hay Hussain ka matam

Khabar nahi hay yeh fatwa farosh mufti ko
Ali ke ghar se vhala hay Hussain ka matam

Jo poocha may ne ilaahe gham-e-hayat hay kya
Har aik Wali ne kaha hay Hussain ka matam

Yazeed is se bari aur kya hay teri shikast
Ke tere ghar may bapa hay Hussain ka matam

Muqassarin ho mulla ho ya munafiq ho
Har aik marz ki dawa hay Hussain ka matam

Ghilafe Khana-e-Kaaba ko dekh kar yun laga
Yahan zaroor hya hay Hussain ka matam