Kyun na roye Sajjad(a.s.)
Efforts: Rabia Rashid



Sajjad rehaai paakar bhi, pardes se ghar ko aa kar bhi 
jab ashk bahate rehte thay, zainab se dukh dekhe na gaye 

ek roz tadap ye poocha, Sajjad tu kab tak royega 
us waqt mere maula ne kaha 

amma apne muqaddar par, Sughra ke saharo par 
kyun na roye Sajjad 

1. Aey meri phupi insaf tu kar, naize pe jo dekhe baap ka sar 
Ho saath safar may wo jisne, cheera tha ali akbar ka jigar 
Durron ki saza milti ho jahan bachon ko ashk bahane par 
Kyun na roye Sajjad.... 

2. Tum chup chup kar khoon roti ho, mai roun ko kyun kehti ho 
Roya na karo ay laal mere bhai ko gawakar baithi hoo 
Masoom behan ko zindan may, jo chor ke tanha aaya ghar 
Kyun na roye Sajjad.... 

3. Naize se gira abbas ka sar, mai dekh chuka hoo wo manzar 
Darbar may mai kyun mar na gaya, jab naam tumhara le le kar 
Kehta tha layeen zainab hai kahan, le aao yahan par be-chadar 
Kyun na roye Sajjad.... 

4. Sab qatl hue mai zinda tha, bemaar sahi lar sakta tha 
Sharminda hoo mai asghar se, wo teer e sitam se ladh to gaya 
Woh teer mere kyunkar na laga, jis teer se ghayal tha asghar
Kyun na roye Sajjad.... 

5. Kyun saamne sughra ke jaun, behtar to yehi hai mar jaun 
Tum zinda ho akbar na raha, wo pooche to kya batlaun 
Kya sabr karo kya zabt karoo, hai zakhm bahot dil ke andar 
Kyun na roye Sajjad.... 

6. Sar tasht may tha baba ka rakha, aur takht pe qaatil baitha tha 
Dandaane mubarak par unke, khush hoke chari wo maarta tha 
Afsos mai kuch bhi kar na saka, ab tak hai usi se dard e jigar 
Kyun na roye Sajjad.... 

7. Rehan o Raza rotay rehna, is dehr may hai jab tak jeena 
Nauhon ki azaane de de kar, har shaks se ye kehte rehna 
Be gor o kafan masoom behan, zindan may ho jiske haathon par 
Kyun na roye Sajjad....