Raat ke musafir (Darshan ka Ujala)
Efforts: Ali Mehdi



Darshan ka ujala ley keh chaley, ankhon main andhera chor gaye
Akbar ko kahan ki jaldi thi, baba ko akeyla chor gaye

Asghar ko thi ran ki dhun mein kahan, maata ke dharaktey dil ki khabar
Nannhey se sipahi khaemey mein, tehra hua jhoola chor gaye

Abbas ne dariya chheen ke bhi, bachchon hi ki khatir mashk bhari
Pyase they magar pyase hi phirey, dariya ko chalakta chor gaye

Qaedi to buhut se dekhey hain, poochey koi un ke jee se magar
Jo goad ke paaley bachon ko, maidaan mein sota chor gaye

Sar kaat ke Koofey walo ney, ye aur naya aphraad kiya
Maidaan ki jalti raeti per, Shabbir ka lasha chor gaye