Ro ke soyee hay Sakina ko jagaey na koi
Efforts: Syed-Rizwan Rizvi



Neend zindaan may Sakina ko jo aayi ho gi
Lori madar ne ye ro ro ke sunai ho gi

Ro ke soyee hay Sakina ko jagaey na koi
Yaad masooma ko baba ki dilaye na koi

1) Yeh thaki hari safar ki hay jagee ratoon ki
   Sab parindon ko be keh do (x2) chehchahaye na koi
   Ro ke soyee hay Sakina ko jagaey na koi

2) Naam yeh Shimr ka sunti hay to dar jati hay
   Baat maqtal ki Sakina ko sunaye na koi
   Ro ke soyee hay Sakina ko jagaey na koi

3) Aaj darogha-e-zindaan bhi dar na kholay
   Aur Sajjad ke zanjeer hilaey na koi
   Ro ke soyee hay Sakina ko jagaey na koi

4) Jaisay Abid ne uthaya hay behan ka lasha
   Lash pardes may behnoon ki uthaey na koi
   Ro ke soyee hay Sakina ko jagaey na koi

5) Qaidyon may sab se kamsin thay janab-e-Baqir
   Wah ri ghurbat is tarha qaid nibhaey na koi
   Ro ke soyee hay Sakina ko jagaey na koi

6) Jaisay Asghar ko hay chor aayi Sakina Akhtar
   Bay kafan bhai ko yun chor ke aaey na koi
   Ro ke soyee hay Sakina ko jagaey na koi