Shabbar ke janaazay ko musalmano nay wapas lauta diya hay
Aey kaash souch letay Zehra ka yeh piyara hay, jo bint-e-Mustafa hay
1) Taboot lautaana tha, phir teer na chalatey
Baqiya may Fatima ko itna to na satatay
Haider ki betiyon ko, socho to zara logo
Kis baat ka silaa hay
2) Aisi misal koi milti nahi dahar may
Ghar se utha janaza phir laut aaya ghar may
Kis bebasi se wapas aaya tha janaza yeh
Tarikh bhi gawah hay
3) Niklay Hasan ke tukre Farwa jo dekhe bikhre
Haey naseeb meray, kehne lagi tarap ke
Kis ki nazar lagi hai Zehra ke bhare ghar ko
Ummat ne kya kiya hay
4) Kehti thi roke Farwa humse naa door jao
Qasim abhi hai kamsin maula hamay bachao
Dushman hui khudai bin aap ke duniya may
Aab kaun aasra hay
5) Bazaro may mayyat pe paikan baras rahay thay
Taboot ko uthae Abbas ro rahay thay
Mehsos ho raha tha aulad-e-Muhammad pe
Aaghaze karbala hay
6) Taboot tuta tuta aur kafn bhi chida tha
Mayyat ke har zakhm se haey khoon beh raha tha
Kis haal may utha haey duniya may janaaza yeh
Naa uthe ga na utha hay
|