Yeh raah e Shaam hay tera watan nahi Zainab(s.a.)
Efforts: Syed-Rizwan Rizvi

Yeh Raah-e-Shaam Hai Tera Watan Nahi ZAINAB
Yahan Hussain Nahi Hai Hassan Nahi ZAINAB

Yahan Rida Ka Tasawur Muhaal Hai BiBi
Yahan Janazoun Ko Milta Nahi Kafan ZAINAB

Lahu Lahu Jou Qadam Hoarahay Hain ABiD K
Yeh Shaam Hai Yeh Ali Ka Chamman Nahi ZAINAB

Tu Chour Aai Thi Maqtal Main Bay Kafan Lashay
Sina Ki Nauk Pay Sar Hain Badan Nahi ZAINAB

Safar Main Saath Hai Qatil Bhi Tairay Ghazi Ka
Teray lye Bara is say Muhhan Nahi ZAINAB

Yeh Loug Bandhtay Hain Jou Teray Baazu main Rassan
inhay Khayaal-e Rasool-e-Zamman Nahi ZAINAB

Hazaar Zulm-o-sitam Karkay Thak Gaya Zailm
Tairay azzam Main Zara Bhi Thakkan Nahi ZAINAB