May sham e ghariban ka kia haal sunaoon
Efforts: Syed-Rizwan Rizvi

May sham-e-ghariban ka kiya haal sunaoon (x2)

Zainab ka sar khula hay ridaa kaise urhaoon
May shaam-e-ghariban ka kiya haal sunaoon (x2)

1) Darya to hay maujood, magar pyaas kahan hay
Soye huay maqtal may, sabhi peer or jawaan hain
Kis kis ko kafan doon may, lahad kis ki banaoon
May shaam-e-ghariban ka kiya haal sunaoon (x2)

2) Sehmay huay bachon ko, jalay khaymo ke andar
Samjaa-ti hay ro ro kay, yehi dukhtar-e-Haider
Sojao jo tum log to may pehray pe jaaoon
May shaam-e-ghariban ka kiya haal sunaoon (x2)

3) Jab zawjaa-e-Hur aayi, liye paani ke saaghar
Dil phat gaya kehne lagi, besheer ki madar
Ajaa Ali Asghar may tujhe pani pilaoon
May shaam-e-ghariban ka kiya haal sunaoon (x2)

4) Tareek bayabaan hay, lahu rang hay sehra
Khaymo may shahe deen ke, udaasi ka hay pehra
Ashko ke diye kiyun na andhere may jalaoon
May shaam-e-ghariban ka kiya haal sunaoon (x2)

5) Aey sham-e-ghariban tu, gharibo ki madad kar
Laade sar-e-Zainab ko, tu dundh ke chaadar
Sar deen-e-muhammad kaa khula hay to chupaoon
May shaam-e-ghariban ka kiya haal sunaoon (x2)

6) Roti hay Sakina to, tarap jaata hay darya
Har saans pe takraata hay, Abbas ka lasha
Is manzar-e-gham raat ko kis tarha bataoon
May shaam-e-ghariban ka kiya haal sunaoon (x2)

7) Nagaah Ali aagaye, Zainab ye pukaari
Be bhai ke baba hui, beti yeh tumhaari
Dil May jo mere zakhm hain kis tarha dikhaoon
May shaam-e-ghariban ka kiya haal sunaoon (x2)

8) Baba mujhe gham bhai ka, jeenay nahi denga
Seenay se lagaa lijye, mujko mere baba
Batlaaye ye gham aur kahaan sadmay uthaoon
May shaam-e-ghariban ka kiya haal sunaoon (x2)

Zainab ka sar khula hay ridaa kaise urhaoon
May shaam-e-ghariban ka kiya haal sunaoon (x2)