Woh Zehra(s.a.) baap say milnay chali hay
Efforts: Syed-Rizwan Rizvi

Woh Zehra baap say milnay chali hay

Ali kay ghar saf-e-matam (x2) bichi hay

1) Bohat roti thi jo baba ko apnay (x2)
   Woh Khaton-e-Qayamat ja rahi hay

2) Woh bait-ul-huzan may karti hay girya (x2)
   Jo baiti Mustafa ki ladali hay

3) Jalanay aa gaya jo baab-e-Zehra (x2)
   Musalmano yeh kaisa ummati hay

4) Howa hay neela kyon bibi ka pehlo (x2)
   Ali ki sans seenay main ruki hay

5) Udhar Hasnain saar ko peet-tay hain (x2)
   Idhar Kulsoom-o-Zainab par ghashi hay

6) Andheray main utha uska janaza (x2)
   Woh bibi jo sarapa roshni hay

7) Jisay tazeem detay thay Muhammad (x2)
   Kafan main aaj wo lipti howi hay

8) Zamanay kay sahay jis nay masaib (x2)
   Amaan usko tahay turbat mili hay

9) Yeh hay taboot us bibi ka Akhtar (x2)
   Jo aghosh-e-Risalat may pali hay