Watan may ahle haram ka jo qafela pohoncha
Basheer karta tha sar apna peet kay nauha
Madinay walo nabi ka ujar gaya kunba
Faqat hay mardoon may baqi janabe zainul aba
Nabi kay roze pay woh sabse pehlay jayain gay
Waheen pay hale safar apna woh sunayain gay
Madinay walo nay jis dum suni yeh ghum ki khabar
Buka o sina zani se bapa hua mehshar
Asa sambhalay huay aik bibi peet-ti thi sar
Nabi kay roze pay jaati thi kehti haey padar
Aarey qareeb naqoon kay pohonchi jo Fatema Sughra
To usne nala o shewan may apna naam suna
Aey Fatema Sughra ghar loat gaya beta (x2)
Kiya dhondti hay haal pareshan dulari
Baba ki teray aayi nahi firqe sawari
Bhayya Ali Akbar bhi tera aya na pyaari
Sau bar phuphi ho tay mazloomi pay wari
Mein deti hoon pursa
May tujko sunati hoon woh sab haal safar ka
Pardes may kis tarha luta gulshane Zehra
Sar nange gaya kis tarha bazar may kunba
Darbare sitamgar ka aur qaid ka kissa
Sun aey meri dukhya
Jis waqt hua barchi tokre dile Akbar
Aankhon may basharat na rahi Shah kay dilbar
Laashon ko uthane gaye is hal may Sarwar
Girte thay har ik laash pay Akbar ki samajh kar
Milta na tha laasha
Shabbir nay jab laasha e farzand ko paya
Khenchi jo sina sath kaleja nikal aaya
Mayyat ko jawan betay ki phir jhuk ke uthaya
La kar usay maidan se khaime may litaya
Ek hashr tha barpa
Tu dhondti hay jiski har ik goad may dilgir
Cheh mah ke asgar ki nahi thi koi taqsir
Mara bine kahil nay tere bhai ko ik teer
Khoon muh se ugal kar hua be jaan woh besheer
Khali hua jhula
Shaadi hui Qasim ki magar ras na aayi
Ek raat suhagan rahi bewa huwi Kubra
Pamal kiya zalimo nay dulhay ka laasha
Maqtal may tane jane Hasan bikhra para tha
In ankhon nay dekha
Uf tashnagi bachcho ki jo pate thay nahi chain
Aati thi sadaey alatash aur kabhi bain
Jab hadse siva dekha jo atfal ko bechain
Pani gaya bharne pisare Sayyede kunain
Mara gaya saqqa
Kamsim bhi thay pyase bhi thay woh dono dulare
Lekin jo gaye larte woh darya kay kinare
Kuch gham nahi jo Aun o Muhammed gaye mare
Pehle hi thay woh bhai kay sadqe may utare
Baad jiske haey haey karb o bala may hua mehshar
Shabbir ki gardan pay chala zulm ka khanjar
Khaimay bhi jalaey gaye aur chin gayi chadar
Na mehramoon ka majma tha aur ham thay khule sar
Har lamha thi eeza
Bachcho kay gale bazu hamare gaye bandhe
Kuch oont liye itne may aada wahan aaye
Un naqoon pay bithlaya na tha jinke kajave
Thi gyarah moharram jo chale karbobala se
Din raat safar ka
Kis tarha sunao may safar ka tujhe ehwaal
Chehre ko chupaye huay thay bibiyo kay baal
Is jabr tash shadat say safar ka tha bura haal
Kuch jism kay hisso say juda ho gayi thi khaal
Woh dekhengi beta
Sab bibiyon kay hath pase pusht bandhe thay
Maoon kay bajaey thay pisar maao ko pakre
Raftar ki tezi se sambhal paye na bachche
Chausat meray masoom gaye naqoon se kuchle
Yeh taza alam tha
Darbar yazide may gaye phir hamay lekar
Bithlaye the woh kursi nasshi satt sa lakar
Jakre huay rassi se thay sab aur khule sar
Phut jata hay dil karti hu jab yaad woh manzar
Kya waqt kathin tha
Darbar se le jake rakha qaide sitam may
Paya na sukoon wahan bhi wafa huan ghum may
Ghut ghut kay Sakina mari zindane sitam may
Ek bar qayamat hui phir ehle haram may
Lasha bhi na uththa
Zindan hi may nanhi si qabr aik banayi
Dafna di khasad zabr wahan banu ki jaayi
Hum sabko diya zalimon nay hukme rehaayi
Mar kar bhi rehai na mayassar usay aayi
Woh reh gaayi tanha
Zindan kay darwazay pay jab aayi amari
Sar peet kay ye bano e nashaad pukari
Bar ayi tamannae dili aab teri pyaari
Uth chalo ghar jate hay aey dard ki maari
Shaq hota tha seena
Maa dekh rahi peet kay sar apna duhai
Thi shor bahut bibiyo kay dil pay judai
Lekin hui marqad say Sakina kay judai
Phir Shaam kay zindaan se sare Karbala aayi
Phat-ta tha kaleja
Jab bibiyo ko ganje shaheeda nazar aaya
Naqe se qareb bibi nay apnay ko giraya
Nazroon may tha aashur ka manzar jo samaya
Bus dekhtay hi muh se kaleja nikal aaya
Har lab pay tha nauha
Sajjad nay dafna diya jab lashay bahattar
Ansoro azizo ka kiya chehlome Asghar
Abbas ka Qasim ka chehlome Akbar
Us aalame gurbat may kiya chehlome Sarwar
Kuch paas nahi tha
Sughra nay suni Zainabe muztar se ye rudad
Chera na raha zabt ka gash ho gaayi nashaad
Us waqt anees ehle haram nay jo ki fariyad
Hosh apnay ganwa baitha wahan jitnay thay aabad
Sab karte the nala
Aey Fatema Sughra ghar loat gaya beta (x2)
|