Kandhon pay sharifon nay haey Shah e Khurasan ka taboot uthaya hay
Efforts: Syed-Rizwan Rizvi

Kandhon pay sharifon nay haey Shah-e-Khurasan ka taboot uthaya hay

Dhokay say musalman nay Kazim kay dularay ko haye zehar pelaya hay

1) Is zehar-e-saqifa ka youn hotay asar dekha
Kazim ka kabhi tukray Shabbar ka jigar dekh
Mazloom Raza par bhi mamoon nay Mashad main yeh zulam kamaya hay.

2) Bhai ki muhabbat main nikli thi Madina say
Dushwar safar kar kay aaye thi paharon pay
Pardes main bhai say phir bhi na mili bibi is ghum nay rulaya hay

3) Mashad ko chalain Zahra haye zakhmi leya pehlo
Hay khakh-e-shifa saar main aankhon say rawan ansu
Ummat nay Muhammad ki Khaton-e-Qayamat ko phir Baqia churaya hay

4) Sang Zahra-o-Shabbar kay Yasrab say chalay Sarwar
Karbal say Hussain aaya chor aaya Najaf Haider
Haq dar hay lannat ka pardes main dil jis nay Panjatan ka dukhaya hay

5) Hain khakh basar hoorain Iran ki rahon main
Is ghum ki jhalak dekhi Nabiyon ki nighaon main
Rotay hain farishtay bhi zalim nay sitam kaisa Sadaat pay dhaya hay

6) Yeh Baab-e-Hawaij hain markaz hain shifaon ka
Jawad Raza Moula zamin hay rizaon ka
Bakhsha wohi jaeya ga jis nay meray Moula ka haye soogh manaya hay