Qaid khanay may Sakina yeh bayan karti theen
Efforts: Syed-Rizwan Rizvi



Kya andhera hay phupee - Kya andhera hay phupee 
Kya andhera hay phupee - Kya andhera hay phupee 

Qaid khanay may Sakina ye bayan karti thi - Kya andhera hay phupee 
Shamma mangwaeeye warna may nahi jeenay ki - Kya andhera hay phupee 

1) Apnay seenay se lagalo may tumharay sadqay - goad me lay lo mujhe (x2) 
   Dil dharakta hay mera khauf se tharrata hay ji - kya andhera hay phupee 
   Qaid khane may Sakina ye bayan karti thi - Kya andhera hay phupee 

2) Kyon layeen qaid me laye hain mujhe kya maloom - haye baba mazloom (x2) 
   Gaye maidaan ko jis din se khabar meri na li - kya andhera hay phupee 
   Qaid khane may Sakina ye bayan karti thi - Kya andhera hay phupee 

3) Baba aa jate to phir Shimr ko hota maloom - kaun hay ye masoom (x2) 
   Kya samajh kar mujhay yon ghurkiyan deta hay shaqi - kya andhera hay phupee 
   Qaid khane may Sakina ye bayan karti thi - Kya andhera hay phupee 

4) Aaj ki shab ko bhi kya baba nahi aayengay - mujhko tarpayain gay (x2) 
   Unke seenay pe agar soti to neend aa jati - kya andhera hay phupee 
   Qaid khane may Sakina ye bayan karti thi - Kya andhera hay phupee 

5) Baad mere jo yahan howe pidar ka aana - unse ye farmana (x2) 
   Mar gaye ghut ke andheray may tumhari beti - kya andhera hay phupee 
   Qaid khane may Sakina ye bayan karti thi - Kya andhera hay phupee 

6) Sabr karti hoon magar ho nahi sakta mujhe se - yaan se lay chaliye mujhe (x2)
   Warna pachtao gi zinda na rahoon gi may kabhi - kya andhera hay phupee
   Qaid khane may Sakina ye bayan karti thi - Kya andhera hay phupee 

7) Pani lanay ko kahan rooth gaye mujh se chahca - aap hi sochain zara
   hotay aamo to may is tarha tamachay khati - kya andhera hay phupee
   Qaid khane may Sakina ye bayan karti thi - Kya andhera hay phupee 

8) Poochnay ki meri un say nahi himmat parti - aey meri achchi phupee
   mujh ko batlaye kiyun roti hain chup chup kay chahci - kya andhera hay phupee
   Qaid khane may Sakina ye bayan karti thi - Kya andhera hay phupee