Sakina kahani suno
Efforts: Syed-Rizwan Rizvi

Siyah raat may
Zindan ke dar pay ro ro kay
Sakina kehti hai, baba ye shab sata ti hai

Judaye aap ki, us par ye khak ka bistar
Kahin andhaire may bachon ko neend uraati hai
Ye sun kay Zainab-e-mazloom boli gham na karo
Kahani kehti hu may ek, suno Sakina suno
Sakina kahani suno, Sakina kahani suno

1) Ik shahanshah tha, haye Sakina,
Ik shahanshah tha, yasrab may raha karta tha,
Us ka ghar wo tha kay quran jahan utra tha,
Dar pay Gibreel ka darban raha karta tha,
Us ka angan bhi sitaro say bhara rehta tha,
Us kay darwazay say khali na koi ja ta tha,
Asman us ki sakhawat ki qasam khata tha
Haye Sakina kahani suno (x2)

2) Uskay baba ko dar-e ilm kaha jata tha,
Maa nay shahzadi-e Konain laqab paya tha,
Us kay baiton may nazar aks-e nabi ata tha,
Baitiyon ko gule pakiza kaha jata tha,
Us kay ek bhai ki rag rag may wafa behti thi,
Ik bahan sath me saye ki tarha rehti thi
Haye Sakina kahani suno (x2)

3) Aik din kia hoa, haye Sakina,
Aik din kia hoa, wo ghar say safar par nikla,
Uska sab kunba bhi quran ki hifazat ko chala,
Ashqia nay usay pher dashtai bala me ghaira,
Teen din tak use pani bhi mayyassar na hoa,
Ho gaye aam har ek joro jafa us kay liye,
Aur phir jang ka maidan saja us kay liye
Haye Sakina kahani suno (x2)

4) Us kay ik baitay kay sinay me sina toot gaye
Bhai kay hath katay, teer laga, mashk chidee,
Lash pamal bhatijae ki bhi maqtal may huwi,
Bay zuban qatl hoa, khasta churee us pay chali,
Us shahanshah kay kunbay pay ghareebi chayee,
Bujh gaye saray diyay sham-e-ghariban aye
Haye Sakina kahani suno (x2)

5) Khaymay jalnay lagay nazdeek sitamgar aaye,
Us shahanshah ki bachi nay tamachai khaye,
Kaan zakhmi howay khun ankhon say tapka haye,
Dhundnai bap ko maqtal may wo kaisay jaye,
Jaltay daman ko liye ganjay shaheedan may gaye,
Rassi gardan may bandhi Shaam kay zindan may gaye
Haye Sakina kahani suno (x2)

6) Phir Sakina nay kaha, haye Sakina,
Phir Sakina nay kaha rehtay hain wo loog kahan,
Boli zainab kay howay sab wo asiray zindan,
Qissa akhir hoa neend aayi na tumko meri jaan,
Boli ro ro kay Sakina phuphi ab neend kahan,
Tum to kehti thi kahani suno neend aati hay,
Is kahani say meri neend uri jati hay
Haye Sakina kahani suno (x2)

7) Boli ro ro kay Sakina ye mera qissa hay,
Is kahani ka shahanshah mera baba hay,
neza jis kay laga seenay main mera bhayya hay,
mera Asghar hay laeeno nay jisay mara hay,
bay rida tum ho phuphi jaan meri jaati hay,
Ye kahani to meray ghar ki nazar aati hay
Haye Sakina kahani suno (x2)

8) Jisko seenay pe shahanshah kay neend aati thi,
Dasht may haey chacha keh kay jo chillati thi,
Jiskay kaano say laho behta tha jo piyasi thi,
apnay baba ki judaye main mari jati thi,
Us shahanshah ki baiti wo Sakina may hon,
Jis ka dushwar huwa qaid main jeena may hon
Haye Sakina kahani suno (x2)

9) Khatm jab Shaam ke zindaan may kahani ye huwi,
Wo jo sunti thi kahani wo Sakina na rahi,
Thamay zanjeer naa kahast se utha ek qaidi,
Aik nanhi si lahad kampte haatho se bani,
Sar shahenshah ka godi me lahu rota tha,
Wa Hussaina ka bas ek shor bapaa hota tha