Farman e Risalat ko bhulatay ho Musalman
Efforts: Qambar Ali - Denmark

Farman-e-risalat ko bhulatay ho musalman.

Kyon Fatima Zahra ko satatay ho musalman.

1)  Tum jantay ho logo is bibi ki azmat ko
Lotaya hay kyon khali khatoon-e-qayamat ko
Kyon aag us kay ghar ko lagatay ho musalman.

2)  Masooma hay makhdoma Hussnian ki madar hay
Tafseer hay kausar ki ya bint-e-peghambar hay
Kyon pehlu pay darwaza giratey ho musalman.

3)  Baba kay madina main haye raat jo ati hay
Ronay kay liya bahir wo sehar say jati hay
Kyon ronay pay pabandi lagatay ho musalman.

4)  Darbar main makhdoma haq mangnay aayi hay
Masoom gawahon ko hamrah wo layi hay
Dil kis leya Zahra ka dukhatay ho musalman.

5)  Haider kay galay main bhi dala hay rassan tum nay
Shabbir ko mara hay mara hay Hassan tum nay
Ab Abid-e-muzatar ko rulatay ho musalman.

6)  Zahra ka ya wada hay Touqeer wo paeya ga
Meray ghar kay ujernay ka jo soug manaeya ga
Phir kis leya tum fatway lagatey ho musalman.