Assalam aey kunba e rasool Assalam
Efforts: Syed-Rizwan Rizvi

Assalam kunba-e-rasool Assalam (x4)

Assalam Assalam baali Sakina (x2)
qaid main aayi qaza assalam 
Assalam assalam Zainab-e-muztar (x2)
deen ko dedi rida assalam

Assalam Assalam kunba-e-rasool Assalam (x4)

1) Bhaayi ko khanjar taley dekh kay noha kiya 
   khayme jaley ghar luta baad e shahe karbala (x2)
   lashoon pay roti huwi sham chali berida, 
   sham kay rastey tujhey kahtey rahey marhaba 
   Assalam Assalam Zainab-e-muztar (x2) jan-o-dil-e-syeda assalam
   Assalam Assalam kunba-e-rasool Assalam (x4)

2) Taaba qayamat tere dam say rahengi wafa 
   pyasoon ki ek mashk pay khud ko fida karadiya (x2)
   rowenngay tujh pay sada sun kay tera tazkira, 
   pyaas sakina alam mashk wafa alqama 
   Assalam assalam Ghazi alamdar (x2) kehtey he ahl-e-wafa assalam 
   Assalam Assalam kunba-e-rasool Assalam (x4)

3) Dunya main dekhi naheen madar-e-akbar si maan 
   jis nay jawan laal kay dekhi jigar main sinaa (x2)
   chand sa karyal jawan leta raha hichkiyan, 
   shukr hay maalik tera us kay tha wird-e-zaban 
   Assalam assalam madar-e-Akbar (x2) dediya karyal jawan assalam
   Assalam Assalam kunba-e-rasool Assalam (x4)

4) Mil na sakenga kaheen dehr main aisa jari 
   teer jisey markar roney lagey ho shaqi (x2) 
   nanhey mujahid tera saani naheen hay koi, 
   teer-e-sitam halq par aur labon par hansi 
   Assalam assalam nanhey mujahid (x2) Teer saqat baraa assalam
   Assalam Assalam kunba-e-rasool Assalam (x4)

5) Saye main bethi naheen madar-e-asghar kabhi 
   Asghar-e-besheer ko dhoop main roti rahi (x2) 
   deen ki khatir yeh maan kitney sitam seh gayi, 
   maang bhi ujri thi aur god bhi khaali hoi 
   Assalam assalam madar-e-Asghar (x2) kehti hay khud bekasi assalam
   Assalam Assalam kunba-e-rasool Assalam (x4)

6) Qasim-e-dilgeer ki maan yeh tera hosla 
   tukray jawan lal kay dekhay sar-e-karbala (x2) 
   khak main woh mil gaya dil main jo arman tha, 
   dasht main pamal jab ibn-e-hassan ho gaya 
   Assalam assalam madar-e-Qasim (x2) Kyu na kahe mujtaba assalam
   Assalam Assalam kunba-e-rasool Assalam (x4)

7) Beriyaan roti raheen tauq bhi rota raha 
   aabley peron ke yeh kahtey rahey ja baja (x2)
   kya hay kaleja tera kya hay tera hosla, 
   tujh ko kahey ga jahan sabr-o-raza ka khuda 
   Assalam assalam Aabid-e-muztar (x2) jaan-e-shah-e-karbala assalam
   Assalam Assalam kunba-e-rasool Assalam (x4)

8) Subh sa ta asr jo lashey uthata raha 
   pyaasa raha dasht main roti rahi alqama (x2) 
   teer lagey is qadar chhalni badan hogaya, 
   pyaasey kay halqoom pay shimr ka khanjar chala 
   Assalam assalam sibtey payamber (x2) haaye qateel e jafa assalam
   Assalam Assalam kunba-e-rasool Assalam (x4)

9) Aag say daman jala dasht main gohar chhiney 
   seh naheen sakta koyi zakhm jo tujh ko miley (x2)
   daagh-e-yateemi mila munh pay tamanchey lagey, 
   Assalam assalam baali Sakina (x2) kehtey hain aanso merey assalam
   Assalam Assalam kunba-e-rasool Assalam (x4)