Jab yaad Sakina ko teri aati hay baba
Efforts: Syed-Rizwan Rizvi



Jab yaad Sakina ko teri aati hay baba
Sar zindaan ke deewaron se (x2) takrati hay baba

1) Darbare yazeedee me bhala kaise may jaoon
Hay chaak gareban (x2) haya aati hay baba
Jab yaad Sakina ko teri aati hay baba (x2)

2) Kanoo se tapakta hay laho shanoo pay meray
Zalim ki aziyat (x2) mujhay tarpati hay baba
Jab yaad Sakina ko teri aati hay baba (x2)

3) Marjaongi pyasi na kabhi mangoongi pani
Asghar ki mujhe pyaas (x2) jo yaad athi hai baba
Jab yaad Sakina ko teri aati hay baba (x2)

4) Jab tak teray seenay pe na so jaye Sakina
Zindaan me usay neend (x2) kahaan aati hay baba
Jab yaad Sakina ko teri aati hay baba (x2)

5) Jaltay huwe khaimoon ke nazaaray hain nazar may
Ye baat khayaloon se (x2) kahan jaati hay baba
Jab yaad Sakina ko teri aati hay baba (x2)

6) Yaad aatay hain jab Shimre sitamgar kay mazalim
Ye nanhi si dukhthar teri (x2) ghabrati hay baba
Jab yaad Sakina ko teri aati hay baba (x2)

7) Hay kaun meray paas jiyoon kis ke saharay
Tanhayi meri maut (x2) bani jaati hay baba
Jab yaad Sakina ko teri aati hay baba (x2)