1) Salwato salam aap pe ya Fatima Zehra
Ham aaye hain pursay ke liye Fatima Zehra
2) Ham detay hain pursa tumhain Abbase jari ka
Aur Akbare dilgeer ka ya Fatima Zehra
3) Zainab ke pisar Auno Mohammed ka bhi pursa
Aur Asghare besheer ka ya Fatima Zehra
4) Abbas jo lashkar ka tha Sarwar ke alamdar
Dariya pe usay qatal kiya Fatima Zehra
5) Pamal kiya Qasime bepar ki laash ko
Kubra ko bhi bewa kiya ya Fatima Zehra
6) Kano se Sakina ke utaray gaye gohar
Zainab ki bhi chini hay rida Fatima Zehra
7) Beri pinhaye dohri badan zakmi kar diya
Sajjad pe ye zulm kiya Fatima Zehra
8) Ik din may bharay ghar ko ujarra hay sitam ne
Koi na sar e dasht bach, ya Fatima Zehra
9) Do betay fida kar diya bhai pe behan ne
Wo bhai magar qatl hua, Fatima Zehra
10) Pyason pe fida ho gaya saqqa e haram bhi
Baqi hay alam khoon may bhara, Fatima Zehra
11) Hamshakl e Paymber ne sina seenay pe khaayi
Ye zulm bhi ummat ne kiya, Fatima Zehra
12) Qasim ka badan ghorron se pamal hua hay
Shabbar ka chaman khaak hua, Fatima Zehra
13) Hur aur Habib ibne Mazahir bhi hain besar
Shabbir ka lashkar na raha, Fatima Zehra
14) Pohonchi hain Nabi zadian balway may khulay sar
Ab tak jihain roti hay rida, Fatima Zehra
15) Zindan may Sakina ka janaza bhi uthaey
Sajjad pe ye zulm o jafa, Fatima Zehra
16) Kis dil se Hussain aap ki rodad parrhon ga
Mazhar jo bayan likh na saka, Fatima Zehra
|