Qayamat ki tapish hay Karbala ka dasht jalta hay
Efforts: Syed-Rizwan Rizvi

Qayamat ki tapish hay Karbala ka dasht jalta hay 
Qayamat ki tapish hay Karbala ka dasht jalta hay 

Madinay ka musafir khak par karwat badalta hay
Qayamat ki tapish hay Karbala ka dasht jalta hay

1) Zara uth kar lahed se daikhen lije ya Rasool Allah (x2) 
   Janaze par janaza aap ke ghar se nikalta hay
   Qayamat ki tapish hay Karbala ka dasht jalta hay 

2) Kahan hay hazrate Ayoob dekhain sabar ke johar (x2) 
   Jawan beta hay godi may pidar ka dam nikalta hay
   Qayamat ki tapish hay Karbala ka dasht jalta hay

3) Ye poocha karte thay tifli may Akbar Sheh se kyon baba (x2)
   Jawani may jo maut aye to dam kiyonkar nikalta hay 
   Qayamat ki tapish hay Karbala ka dasht jalta hay

4) Kaha Sheh nay ye Bano se ke khaimay may chali jaye (x2) 
   Ali Asghar ka manka dhal chuka ab dam nikalta hay 
   Qayamat ki tapish hay Karbala ka dasht jalta hay

5) Laeeno Syede Sajjad par kore na barsao (x2) 
   Bohat beemar hay is waste ruk ruk ke chalta hay
   Qayamat ki tapish hay Karbala ka dasht jalta hay

Madinay ka musafir khak par karwat badalta hay
Qayamat ki tapish hay Karbala ka dasht jalta hay