Aey momino payame Sarwar ko yaad rakhna
Ujra jo aik din me us ghar ko yaad rakhna
1) Aaghosh me tumhari masoom koyi aye
Aur pyaar se koye maa jhoola usay jhulaye
Banu ki baybasi ko Asghar ko yaad rakhna
Aey momino payame Sarwar ko yaad rakhna
Ujra jo aik din me us ghar ko yaad rakhna
2) Tumko khuda dikhaye khoshiyon ka har sawera
Kismat se jab bhi bandho apnay pisar ka sehra
Qasim ko yaad rakhna Akbar ko yaad rakhna
Aey momino payame Sarwar ko yaad rakhna
Ujra jo aik din me us ghar ko yaad rakhna
3) Dekho na zindagi may marna jawan pisar ka
Betay ka daagh dil par hota hay umar bhar ka
Laila ki hasraton ko Akbar ko yaad rakhna
Aey momino payame Sarwar ko yaad rakhna
Ujra jo aik din me us ghar ko yaad rakhna
4) Behnon ko betiyon ko jab bhi rida urhana
Ham bekason ko hargiz dil se nahi bhulana
Meri bahen ke sar ki chadar ko yaad rakhna
Aey momino payame Sarwar ko yaad rakhna
Ujra jo aik din me us ghar ko yaad rakhna
5) Beteon ko jo na roye qurbaan karke mujhe par
Aur sar nahi uthaya ehsaan kar ke mujh par
Us jan nisaar meri khawaher ko yaad rakhna
Aey momino payame Sarwar ko yaad rakhna
Ujra jo aik din me us ghar ko yaad rakhna
|