La illah ko bachaya Fatima ke laal nay
Efforts: Syed-Rizwan Rizvi

La illah ko bachaya Fatima kay laal nay
 
Deen zinda kar dekhaya (x2) Fatima kay laal nay
 
1) Khainch li Akbar ki barchi jurrat-o-himaat kay saath
   Apni ankhain bhi na bandhi aur na baitay kay haath
   Aik aansu na bahaya Fatima kay laal nay
 
2) Dekh kaar sabar-e-Hussaini ambiya ronay lagay
   Rotay rotay yon khalil ullah say kehnay lagay
   Aap ka waada nibhaya Fatima kay laal nay
 
3) Ladala hoon Murtaza ka aur hoon ibnay Rasool
   May jhukoon batil kay agay yeh nahin mujh ko qabool
   Faisala apna sunaya Fatima kay laal nay
 
4) Deen ka daman baqa ki naimaton say bhar diya 
   Aakhiri sajda khudayey lam-yazal ko kar diya
   Sar na sajday say uthaya Fatima kay laal nay
 
5) Sabar say jabar-o-sitam ki toar daali har umeed
   Zulm saray say liya lakin na ki bait-e-Yazid
   Sar usoolon par kataya Fatima kay laal nay
 
6) Chay mahinay kay pisar ko kar kay hathon say dafan
   Aey khuda teri raza yak eh raha ta bay watan
   Hosala apna bataya Fatima kay laal nay
 
7) Zakham seh kar shukar karta tha Sakina ka pidar
   Ro rahay thay arsh walay yeh nazara dekh kar
   Arsh walon ko rulaya Fatima kay laal nay
 
8) Matami Touqeer tumko day rahain hay yeh dua
   Apni ankhon say tu dekhay woh deyaar-e-karbala
   Jis pay apna ghar lutaya Fatima kay laal nay