Aey Hussain aey Shah-e-Karbala
Waqt-e-rukhsat qareeb aa gaya (x2)
1) May sawari sajaon teri (x2)
Hay behan teri zinda abhi
Meray bhaiya koyi ghum na kha
2) Chakiyan pesanay walli maa (x2)
Dekh mojud hay wo yahan
Day rahi hay pata ik sada
3) Teri rukhsat pay qurban main (x2)
Waar don kalb aur jaan main
Do ghari pas tu baith ja
4) Kaisay ab usko behlaon main (x2)
Kya Sakina ko batlaon main
Aap kyun ho rahay hain juda
5) Choor zakhmon say ho is qadar (x2)
Phat raha hay behan ka jigar
Sar say girnay lagi hay rida
6) Mujh ko maloom hay hoga kya (x2)
Bandha jaeya ga bazu mera
Jao Zainab ka hafiz Khuda
7) Na zameen par ho na zeen par (x2)
Nok-e-naiza par rakha hay sar
Aur behan sath hay bayrida
8) Tu nay kitnay sahay hain sitam (x2)
Aik dil aur hazaron hain gham
Dhop main tera laasha raha
9) Kalb-e-Rizwan-o-Rehan main (x2)
Jaisay Alhamd Quran main
Gunj aati hay yeh gham ki sada
|