Ya Ali, Ya Ali, Tujh jaisa nahi duniya may sakhi koi
Efforts: Syed-Asad Rizvi

Ya Ali, Ya Ali, Ya Ali
Ya Ali, Ya Ali, Ya Ali

Tujh jaisa nahi mola (x2) duniya may sakhi koi

1) Teray kabzay may do jahan mola
   Tu sakhawat ka asmaan mola
   Arsh waalon ki, farsh waalon ki
   Tu nay bhardi hay jholiyan mola, (Ya Ali, Ya Ali)
   Quran may karta hay tareef khuda teri

2) Tera darbaar hay ataa hi ataa
   Koyi khali kabhi nahin jaata
   Rizq-e-aulaad sehat-e-imaa
   Teri chokhat say kya nahi milta, (Ya Ali, Ya Ali)
   Darbaar tera mola, tasveer hai jannat ki

3) Kaisay ummat phiri thi baad-e-Nabi
   Haye teray galay main rassi thi
   Hukm tha yeh Rasool ka warna
   Sahib-e-zulfiqaar aur qaidi, (Ya Ali, Ya Ali)
   Gar ghayz tujhe aata duniya hi nahi hoti

4) Apni ankhon say kis tarha dekha
   Haey pehlu shikasta Zehra ka
   Intehaa kardi sabr ki tumnay
   Chup rahay sehtay har sitam mola, (Ya Ali, Ya Ali)
   Allah ki marzi may shaamil thi teri marzi

5) Subho aayi thi woh qayamat ki
   Saaray aalam peh sough tha taari
   Ibn-e-muljim ki tegh say jis dum
   Aap sajde may ho gaye zakhmi, (Ya Ali, Ya Ali)
   Deewaro say masjid ki awaaz yeh aati thi.

6) Khoon main tar tha fatah-e-khaybar
   Aaye Hasnain apnsy ghar lekar
   Chaar janib thay betiyan baitay
   Beech main tha imam-e-jinno bashar (Ya Ali, Ya Ali)
   Zainab peh qayamat yeh ashoor kay jaise thi

7) Zakhm aisa hay ab bhi woh lamha
   Shaam pohnchi jo itrat-e-Zahra
   Us ghari dekh kar Najaf ki taraf
   Jorh kar haath kehti thi Fizza (Ya Ali, Ya Ali)
   Darbaar may bayparda jaati hai teri beti

8) Chahe barhte rahe ye zulmo sitam
   Dil me qaim rahe Hussain ka ghum
   Bus yahi hai dua Takallum ki
   Sheh ki bichti rahe saf-e-matam (Ya Ali, Ya Ali)
   Barhti hi rahay mola, har roz azadari