Yazid aaj mera imtehaan layta hay
Efforts: Syed-Rizwan Rizvi

Sar-e-Hussain Sakina ki goud may aaja
Yazid aaj mera imtehaan layta hay

Khari hai haathon ko pehlo (x2) ghum zada dukhiya
Yazid aaj mera imtehaan layta hay

1) Woh haskay kehta hay dekhoon to kaisi ulfat thi
Suna hai Shah ko tumse bhari mohabbat thi
Tumhare haath mei ab meri (x2) laaj hay baba
Yazid aaj mera imtehaan layta hay

2) Hamesha baat Sakina ki aap nay maani
Humari baat kabhi aaj tak nahi talli
Suboot chahiya zalim (x2) ko is mohabbat ka
Yazid aaj mera imtehaan layta hay

3) Kafan say haath nikalay thay meri daadi nay
Woh ghaar ki baat thi ulfat kay bhi taqazay thay
Magar yahan peh Sakina (x2) hay aur phir ye jafaa
Yazid aaj mera imtehaan layta hay

4) Zamin-e-Karbobala par woh karwatain lay gi
Yeh sunkay laash-e-alaamdar kaamp uthe gi
Khuda karay na sunay woh (x2) baat yeh mera saqqa
Yazid aaj mera imtehaan layta hay

5) Dua kartay hain ahlay haram yeh roro kay
Khuda Hussain ki beti ko kamyaab karay
Nazar jhukaye hay beemar (x2) � e -Karbala mera
Yazid aaj mera imtehaan layta hay

6) Mujhe bhi apnay masaib sunaiye baba
Jalay howay meray daman main aayiye baba
Sitam hai aaj tamashayi (x2) bangayi duniya
Yazid aaj mera imtehaan layta hay

7) Mila jo ajre risalat bataungi tumko
Galay pay neel rassan kay dikhaungi tumko
Musibaton say guzarta (x2) hay bachpana mera
Yazid aaj mera imtehaan layta hay

8) Mohabbaton ka takallum yeh moajza dekha
Saar-e-Hussain Sakina ki goud main ayaa
Na aaye baali Sakina (x2) kay phir labon pay sada
Yazid aaj mera imtehaan layta hay