May nok e sinaa par hoon
Efforts: Syed-Rizwan Rizvi

Jab Khatima ba khair huwa foje shah ka
Kausar pe qaafila gaya pyaasi sipaah ka
Ghar lut gaya janaab-e-risaalat panaah ka
Khaak urh rahi thi haal tha ye baargaah ka

Haaye maqtal mein aayi Fatima Zehra barehna sar
Chillayi zere tegh hay baba mera jigar
Ary unnis saw hein zakhm tan-e-Chak chak par
Aar Zainab nikal Hussain tarapta hay khaak par

Haey pohonchi behan jo bhai ke maqtal mein nawhaghar
Dekha sar-e-hussain he neze ki nok par
Ary sadqe gayi luta gaye ghar wadagah may
Haey junbish labon ko he abhi zikre Ilaah mein

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

1) Nana dekho nawaasa kahaan aagaya (x2)
Mayne karbobala ko muallah kiya
Khoon mera aaj khaak-e-shifa ban gaya
Mayne bachpan ka waada wafa kardiya

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

2) Mera ghar mere bachhe meri zindagi
Aap ke deen pe sab meine qurbaan ki
Mere maathe pe woh tha do ab aakhri
Bar sare noke neza sawaari chali

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

3) Deeno Qura(n) bache tera kaaba bacha
Ta qayamat rahegi azaan ki sada
Madressa bangayi aaj se karbala
Haaye nana magar mera ghar na raha

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

4) Chakkiyan peesne waali maa ki qasam
Meri aaghosh mein tora akbar ne dam
Kaise laashe jawaan laaya suwe haram
Apne wade pe kehta raha gham pe gham

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

5) Kitne laashe uthaaye hein ik roz mein
Kitne aansun bahaaye hein ik roz mein
Sainkro(n) teer khaaye hein ik roz mein
Saare wade nibhaaye hein ik roz mein

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

6) Bhai bat-tees barson se jo saath tha
Mayne waada nibhaane mein woh khodiya
Khaagayi uske shaano(n) ko ye alqama
Woh gaya aur darde kamar degaya

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

7) Mere nana ye dulha ye kamsin jawaan
Aise ronda gaya dasht mein al amaan
Apne bete ko pehchan paayi na maan
Uski dulhan ne khud tordi churiyaan

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

8) Haan woh Asghar jo Sughra ki thi zindagi
Jis ki khaatir woh bimaar bachhi meri
Chhote chhote se kurte jo seeti rahi
Uska khun apne chehre pe malke abhi

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

9) Mere nana Sakina ka gham dekhiye
Umr itni si itne sitam dekhiye
Jalti reti pe uske qadam dekhiye
Kitne majboor hein aaj hum dekhiye

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura

10) Shaam Rehan-o-Sarwar jo dhalne lagi
Sar se Shabbir ke ye saada aati thi
Ay behen ab yahaan se qayaadat teri
Mere wade ki khaatir zuroori huwi

Mera waada huwa pura nana, Mera waada huwa pura (x2)
May noke sina par hun
Mera waada huwa pura nana, Mera waada huwa pura