Jab Shaam ke zindan se Zainab jo reha ho gi
Efforts: Syed-Rizwan Rizvi

Jab Shaam Ke Zindaan Se Zainab Jo Reha Ho Gi
Jaye Gi Madine Jab Use Waqt Bhala Bibi Tere Sar Pe Rida Ho Gi

1) Nana Se Milo Gi Jab Hatoon Ko Choopao Gi
   Aur Maa Ko Bazaroon Ke Halaat Sunaoo Gi
   Maa Lehad Main Tarpe Gi Tere Lutne Ka Dukh Sun Ke
   Aur Tujh Pe Fida Ho Gi

2) Beemaar Ki Aankhoon Se Phir Khoon Sa Bares Ga
   Kis Jurm Main Qaidi Ho Har Koi Jo Pooche Ga
   Is Ahd-E-Jawani Main Zanjeeroon Main Jhakre Ho
   Abid Pe Jafa Ho Gi

3) Akber Sa Nagina Bhi Matti Main Jhara Ho Ga 
   Uljha Howa Teroon Main Shabbir Para Ho Ga
   Zainab Tere Kanoon Main Masooma Sakina Ki
   Rone Ki Sada Ho Gi

4) Masoom Sakina Ka Beemar Jo Pooche Gi
   Toote Hoye Jhoole Main Asgher Ko Bhi Dhoonde Gi
   Baba Hai Kahan Mere Kyoon Saath Nahi Aaye
   Koi Tau Wajah Ho Gi

5) Khaime Main Khari Zainab Maqtal Main Para Bhai
   Ghurbat meisi shaab Main Ek Maut Ki Tanhai
   Ujre Howe Khaimoon Main Zainab Ne Guzari Jo
   Who Raat Bhi Kya Ho Gi

6) Makhdooma-E-Zainab Ka Akhter Yoheen Gum Likhna
   Mazloom Ka Pursa Hai Aankheen Bhi Yeh Num Rakhna
   Bakhsish Ke Liye Teri Mahsher Main Mohammed Ke
   Hoontoon Pe Dua Ho Gi