Fizza teri wafa ki had aakhri yehi hay
Efforts: Syed-Rizwan Rizvi

Fizza teri wafa ki, had aakhri yehi hay

Zainab kay saath tu bhi, bazaar may khari hay

1) Tu nay to Syedon ka abaad ghar bhi dekha
Aur kis tarha hua woh, barbaad ghar bhi dekha
Kis nay kissay sataya, tu khoob jaanati hay

2) Jab Hassan ka janaaza, wapis hay ghar may aaya
Farwa kay saath ro kar, Qasim gallay lagaya
Laash-e-Hassan say tu bhi, rahi teer khainchti hay

3) Baandhi hui rasan may, Zainab jo Shaam aayee
Teri kamar kay peechay, chupti thi Zehra jayee
Har mor pay dilaasay, Zainab ko day rahi hay

4) Yasrab ki taraf dekha, ro ro kay Zehra jaaye
Teri betiyon pay nana, kaisi qayamat aayee
Fizza kay bhi hain waaris, yahan mera na koyee hay

5) Jab roti thi Sakina, har baar chup karaya
Aur ghash say paak Aabid, ko tu nay bhi jagaya
Zainab kay saath jee kay, Fizza bhi aaa rahi hay

6) Aal-e-Nabi pay gham ki, bunyaad hai Saqifa
Din raat ab Hassan to, apna yehi wazeefa
Jisnay inhay rulaya, woh shaks lanti hay