Bibi Fatima Zehra Bibi Fatima Zehra Efforts: Syed-Rizwan Rizvi

بی بی فاطمہ زہراؑ ، بی بی فاطمہ زہراؑ اُمّت نے دیا تجھ کو ، صدمہ بڑا گہرا جی بھر کے میں بابا پر ، گریہ بھی نہ کر پائی اِس غم سے مِرے دل پر ، رنجیدہ گھٹا چھائی ظالم نے لگایا ہے ، رونے پہ بھی پہرا کتنے ہی مصائب کو ، حیدرؑ سے چُھپایا ہے صدمے ہیں سہے دل پر ، کچھ بھی نہ بتایا ہے گُھٹ گُھٹ کے تِرا بی بیؑ ، ہر لمحہ ہے گزرا جلتا ہوا دروازہ ، فاسق نے گرایا ہے بازو پہ تِرے بی بیؑ ، دُرّہ بھی لگایا ہے یوں بنتِ پیمبرؑ کو ، اُمّت نے ہے مارا دربار بلایا ہے ، ناموسِ رسالتؑ کو ٹکڑوں میں اڑایا ہے ، احمدؐ کی عبارت کو دونوں کا ہے اِس دل پر ، صدمہ بڑا گہرا روتی ہی رہیں زہراؑ ، ہنستے رہے درباری حق چھینا گیا بی بیؑ ، تھی پہلے سے تیاری جُھٹلانا ہے زہراؑ کو ، یہ فیصلہ ٹھہرا زینبؑ کے غمِ مادر ، میں آنسو نہیں رکتے دل ماں کی جدائی پر ، حسنینؑ کے ہیں دکھتے اولادِ پیمبرؑ کو ، ہے صدموں نے گھیرا رضوانؔ صدا دے کر ، مہدیؑ کو بلائیں گے زہراؑ پہ جو ڈھائے ہیں ، سب ظُلم بتائیں گے پھر چُھپ نہیں پائے کا ، قاتل تِرا چہرا