Moosa e Kazim pe girya karti hay zanjeer bhi Efforts: Syed-Rizwan Rizvi

موسیٰءِ کاظمؑ پہ گِریہ کرتی ہے زنجیر بھی نوحہ کرنے آگئی ہیں زینبِؑ دلگیر بھی قید خانوں نے پڑھا کاظمؑ کا نوحہ برملا گریہءِ خونیں ہوا اور ظُلم کی تشہِیر بھی قید خانوں سے اذانوں کی صدا کہتی رہی بے خطا ہے بے گناہ ہے اور بے تقصیر بھی چھا گئی مولا رضاؑ پر اب  یتیمی کی فِضا چل گیا خنجر جگر پر اور دِل پر تِیر بھی کربلا اور شام پر روتے تھے کاظمؑ قید میں آج عابدؑ رو رہے ہیں ساتھ میں شبّیرؑ بھی دُور اپنی بیٹیوں سے باپ کوئی نہ رہے یہ دعا کرتی ہے رب سے آج خود تاثیر بھی منتظر بابا کی تھیں چودہ برس سے بیٹیاں اشکباری ساتھ اُن کے کرتی ہے تقدیر بھی اُس امیرِ دِین کا پُل پر جنازہ ہے پڑا جس کے قبضے میں ہے ساری خُلد کی جاگیر بھی پُل پہ کاظم کے جنازے پر جو بی بی آئی ہے مالکِ کون و مکاں ہے مالکِ تطہیر بھی مولا کاظمؑ پر ہوئے اِتنے سِتم کہ الاماں لکھ کے روتا ہے قلم رضوان کا تحریر بھی