Ummat be Muhammad ki jalta hua darwaza Efforts: Syed-Rizwan Rizvi

اُمّت نے محمدؐ کی ، جلتا ہوا دروازہ زہراؑ پہ گرایا ہے جس در پہ محمدؐ نے ، قرآن پڑھا آکر اُس در کو جلایا ہے وہ ظلم کیا لوگو ، معصومہؑ کے پہلو پر تلوار کی نوکوں سے ، غش کھا کے گری مُضطر محسنؑ کی شہادت نے ، حیدرؑ کے بھرے گھر میں سب ہی کو رُلایا ہے اُمّت نے محمدؐ کی ، جلتا ہوا دروازہ زہراؑ پہ گرایا ہے دربار میں غاصب کے ، بی بیؑ نے کہا آ کر پہچانو مجھے لوگو ، نہ ظلم کرو مجھ پر قرآن میں خالق نے ، میرے لئے کوثر کی آیت کو اُتارا ہے اُمّت نے محمدؐ کی ، جلتا ہوا دروازہ زہراؑ پہ گرایا ہے کیا عالمِ غربت تھا ، کچھ لوگوں نے بس مل کر گریہ کیا چُپکے ، سے زہراؑ کے جنازے پر ہے آج بھی تربت پر ، غربت کا وہی عالم ویرانی کا سایہ ہے اُمّت نے محمدؐ کی ، جلتا ہوا دروازہ زہراؑ پہ گرایا ہے اللہ ستم کیسا ، اُمّت نے یہ ڈھایا ہے اولادِ پیمبر پر ، مظلومی کا سایہ ہے حسنینؑ تڑپتے ہیں ، کلثومؑ پہ غش طاری زینبؑ کو رلایا ہے اُمّت نے محمدؐ کی ، جلتا ہوا دروازہ زہراؑ پہ گرایا ہے رضوانؔ کے نوحے نے ، ناصرؔ کی نواؤں نے سینوں سے جو اٹھتی ہیں ، ماتم کی صداؤں نے زہراؑ کے مصائب پر ، فریاد و فغاں کر کے مہدیؑ کو بُلایا ہے اُمّت نے محمدؐ کی ، جلتا ہوا دروازہ زہراؑ پہ گرایا ہے