Teray Sajjad ne baba qaza kayi baar dekhi hay Efforts: Syed-Rizwan Rizvi

تیرے سجادؑ نے بابا ، قضا کئی بار دیکھی ہے پھپھی زینبؑ بِنا چادر ، سرِ بازار دیکھی ہے سکینہؑ پوچھتی تھی کیا ، اِِسی کو بِھیڑ کہتے ہیں کہوں کیسے کہ میں نے بھی ، یہ پہلی بار دیکھی ہے کٹھن ہیں شام کی راہیں ، سسکتی ڈوبتی آہیں جُھلستی دھوپ اور میں نے ، زمیں پُرخار دیکھی ہے بدن زخمی ہے دُرّوں سے ، لہو جاری ہے کانوں سے سکینہؑ کی یتیمی بھی ، بہت لاچار دیکھی ہے پسِ گردن بندھے تھے ہاتھ ، پردہ تھا بنا خوں کا یوں دختر فاطمہؑ اور حیدرِ کرّار دیکھی ہے کٹی جاتی تھی گردن اور ، اٹکتی سانس سینے میں قضا اور زندگی بابا ، بہت دشوار دیکھی ہے کچل جاتا تھا بچہ جو ، بھی گرتا ماں کی گودی سے کئی رستوں پہ چھوٹی سی ، لحد تیار دیکھی ہے بیاں سجادؑ کے دکھ کا ، کرو رضوان کچھ ایسے بہاتی خون چشمِ عابدِ ، بیمارؑ دیکھی ہے