Efforts: Syed Asad Abbas Zaidi
NANA KYA RANJ-O-SITAM HO GAYE HAYE HAM PAR
DO MUHARRAM KO RUKA QAFILA KARBAL JAKAR
BANDISHE AAB HUI SAAT MUHARRAM SE IDHA
AADAA KHEMON KO HATATE THE TARAI SE UDHAR
KAISE ZALIM THE NA BACHHON KA KHYAL ATA THA
UFF KALEJA SABHI BNACHCHON KA PHUNKA JATA THA
NANA – NANA AADAA NE ZULM HAI DHAYA
UMMAT NE HAYE YE KAISA DIN DIKHLAYA, HAYE NANA –
LADNE MAIDAA’N ME GAYA BHAYYA HASAN KA DILBAR
PAR HUA NA KISI ZALILM PA YATEEMI KA ASAR
HAYE SHAHZADA HUA LADTE HUE KHOON ME TAR
AEY CHACHAJAAN MADAD KIJIYE MERI AAKAR
SHAH JAB LAASH PA PAHONCHE TO YE MANZAR DEKHA
BIKHRE QASIM KE BADAN KO BHI ZAMEE’N PAR DEKHA
WAQTE RUKHSAT ALI AKBAR SE YE KAHTE THE HUSAIN
TUME CHALE JAOGE MUJHKO NAHI AB AYEGA CHAIN
KAISE RUKHSAT KARU TUMKO AEY MERE NOORE AIN
KAANP JATA HAI JIGAR HOTA HAI YE DIL BECHAIN
QATL AKBAR HUE IS DASHT ME HAYE AFSOS
DUNIYA ANDHER HUI SHAAH KI HAYE AFSOS
SUN KE HALMIN KI SADA JHOOLE SE BESHEER GIRA
NUSRATE SHAH KO CHHA MAAH KA IK PYASA CHALA
BADLE PANI KE USE HAYE GHAZAB TEER MILA
CHID GAYA ASGHARE BESHEER KO WO SOOKHA GALA
ASHK ANKHO’N ME BHARE SHAHE HUDA KAHTE HAIN
KYA TERI UMR KE BACHCHE BHI NAHAR HOTE HAIN
ASR KE WAQT HUI KAISI TABAHI SHAH PAR
CHHAI THI SABKE BICHADNE SE UDASI SHAH PAR
WO MUSIBAT KI GHADI JABG ME AYI SHAH PAR
LASHKARE SHAM NE JAB TEGHE’N CHALAI SHAH PAR
APNE KHANJAR KO LAEE’N KUND KIYE JATA THA
NOKE NAIZA PA SARE SHAH LIYE JATA THA
THA RUKU ME MERE BEEMAR BHATEEJE KA SAFAR
AUR RUKNE PA LAEE’N DURRE LAGATE US PAR
HAYE WO MAJMAE KUFFAR HARAM BECHADAR
MERE ABBAS KA NAIZE SE GIRA JATA THA SAR
AL GARAZ RAAH ME PHIR SHAM KA BAZAAR AYA
MARHALA SABR KA THA MUNH KO KALEJA AYA
HAYE SHABBIER KI PYARI WO SAKINA BIBI
JIS GHAR LAUT KE JANE KI TAMANNA THI BADI
PURI US BACHCHI KI YE AKHIRI HASRAT NA HUI
ROZO SHAB ROTE HUE HAYE WO DUNIYA SE GAYI
THI WASIYAT KI ISI KURTE ME DAFNA DENA
QATILE SHAH SE AEY BHAYYA KAFAN MAT LENA
AEY SHUJA QABRE NABI PAR THE YE ZAINAB KE BUKA
ASHK ANKHO SE RAWA, RANJO ALAM, WA WAILA
GHAR KA GHAR LUT GAYA PARDES ME HAYE NANA
BAADE SHAH HAM PA SITAMGAARO’N NE KI AISI JAFA
DAR BA DAR KOOCHA O GALIYON ME PHIRAYA NANA
NEEL SHAANO’N PA MERE AB BHI HAIN TAZA NANA