Sultan e ambiya ka gham ham ne manaya hay Efforts: Syed-Rizwan Rizvi

سلطانِ انبیاءؐ کا غم ہم نے منایا ہے فرشِ عزا بچھا کر ، زہراؑ کو بلایا ہے چودہ سو برس پہلے جو اٹھ نہیں سکا تھا تابوت مصطفیٰؐ کا ، ہم نے وہ اٹھایا ہے حسنینؑ رو رہے ہیں گریہ کناں ہیں زہراؑ کنبے پہ رسالت کے ، غم کیسا یہ چھایا ہے اُمّت کا باپ لوگو دنیا سے جا رہا ہے پُرسے میں کلمہ گو نے ، دروازہ جلایا ہے احسانِ رسالت کا کیسا اجر دیا ہے دربار میں بُلا کر ، زہراؑ کو رلایا ہے تم کیسے مسلماں ہو یہ پوچھتی ہیں زہراؑ بابا کے جنازے پہ ، کوئی بھی نہ آیا ہے گریہ رسول زادی کا ہر دل کو چیرتا ہے تنہا ہی جنازے پر ، ہئے اشک بہایا ہے مولا علیؑ کو مل کر مجبور کر دیا ہے فرمانِ رسالت کو ، اِک پل میں بُھلایا ہے تاریکی چھا گئی ہو روشن دنوں پہ جیسے زہراؑ کو مسلماں نے ، کچھ ایسے ستایا ہے مل کر اٹھا رہے ہیں تابوت کو فرشتے رضوان نے یہ نوحہ ، اُن کو بھی سنایا ہے ---------------------------------------------- ماتم کناں فرشتے روتے ہیں انبیاء سب رضوان کے نوحے نے ، سب کو ہی رلایا یے آئے ہیں جنازے پر جبریلؑ اور ملائک رضوان نے یہ نوحہ اُن کو بھی سنایا ہے