رہائی قید سے Efforts: Syed-Rizwan Rizvi

رہائی قید سے زینبؑ کو جب ملی ہوگی بنا حسینؑ کے، وہ کیسے گھر گئی ہوگی اے نانا تیرے نواسے کو ، تیری امت نے دفن کیا ہے یا عریاں ہی ، بن میں چھوڑ دیا بتول زادی یہی ، بات سوچتی ہوگی لٹی تھی دشت میں جو چادریں سیدانیوں کی لوٹائیں عابدِؑ بیمار کو لعینوں نے علیؑ کی لاڈلی حسرت سے دیکھتی ہوگی وہ چھ ماہ کے بچے کو ، تیر مارا تھا وہ شیر خوار کا لاشہ ، سِنا پہ آیا تھا بتولؑ لحد میں ، منہ اپنا پیٹتی ہوگی پڑے تھے لاشے جوانوں کے ، دشتِ کربل میں پڑا تھا غازیؑ کا لاشہ ، بغیر شانوں کے جوان بھائی کے ، شانوں کو ڈھونڈتی ہو گی گیا جو قافلہ مقتل میں ، آلِ احمدؑ کا ویران دشت میں ہر بی بی ، اپنے پیاروں کو کڑکتی دھوپ میں ، رو رو کے ڈھونڈتی ہوگی گئی تھی ساتھ تمہارے ، سکینہؑ کربل میں کہاں ہے بھیا مجھے کیوں ، نظر نہیں آتی بیمار صغراؑ یہ ، عابد سے پوچھتی ہوگی سنی جو بالی سکینہ نے ، خبر یہ اختر کہ سب چلے ہیں مجھے چھوڑ کر مدینے کو معصومہ قبر میں ، تنہا ہی رو رہی ہوگی