زہراؑ جائیاں دا آسرا غازیؑ
ہویا کربل ہویا کربل
ہویا کربل دے وِچ جُدا غازیؑ
کیویں جاواں گی شام تے کوفہ
میکون مہمل تے آ بَھَا غازیؑ
بُھل گیاں بیبیاں ستم سارے
زِین توں جس گھڑی لتھا غازیؑ
خیمے جلدے رہے او آندھی رھی
شمر تو آن كے بچا غازیؑ
میری چادر خدا دا پردہ اے
میری چادر دی تو بقا غازیؑ
لفظ پردہ تے آکھنا پوندا اے
ورنہ زینبؑ دی ہے رِدا غازیؑ
کیوں میں ٹرساں علیؑ کوں دھی آکھے
شالا جییوے میرا بِھرا غازیؑ
تیریاں کٹیاں بازوواں دی قسم
آواں گی شام کر فتح غازیؑ
سین آکھے عباسؑ نئیں لڑنا
تایوں ھتھ عید تے کٹا غازیؑ
چھ جگہ تون حسینؑ چُنیا اے
پِھر بھی پُورا نہ مل سکا غازیؑ
قاری قرآن دے مریندے رئے
سارا بازار ہے گواہ غازیؑ
رو كے ہک وینڑ کیتا معصومہؑ
پیاس اصغرؑ دی آ بجھا غازیؑ
شمر رج رج حسینؑ کوں مارے
جاندا ہئی جو نئیں ریا غازیؑ
چاروں پاسے شرابی دسدے ہِن
بیبیان وان چا ہٹا غازیؑ
جیندی تربت تے دھوپ ہے ہُن تائیں
اوسی بی بی دی ہے دعا غازیؑ
زندگی بھر تو آقا سدیا ہے
مینوں ہک واری سد بِھرا غازیؑ
مار كے برچی ٹر گیا ظالم
لاشہ اکبرؑ دا آ چوا غازیؑ
جیڑے بابے پوائے سن میکون
در کیتے شمر نے لہا غازیؑ
میں رداواں دی ہُن نہیں ضامن
بیبیوں جگ توں ٹر گیا غازیؑ
تینڈے ہر ظلم دا جواب دیندی
کاش ہوندا میرا بھرا غازیؑ
دے كے بازو علم بچایا اے
تیرا ممنون ہے خدا غازیؑ
ننگے سَر دَر بَدر پھیریدع رئے
کِس نہ کیتا میرا حیا غازیؑ