Pyassi hay Sakina
Efforts: Syed-Rizwan Rizvi

Pyaasi hay Sakina
 
Andheri raath hey, karbal hay aur udaasi hay
Sakina aaj bhi tanhaa hei aur pyaasi hay
 
Ay momino jab majlis-e-shabbir mei aana
Pyaasi hai Sakina, haay, pyaasi hai Sakina

Bacho ka tumhe wasta ye bhool najana
Pyaasi hai Sakina, haay, pyaasi hai Sakina
 
Ye soch ke jee kholke tum ashk bahaana
Pyaasi hai Sakina, haay, pyaasi hai Sakina

Majlis jaha hogi waha hei ati hai Sakina, 
Pani na mila aaj bhi pyaasi hai Sakina
Pyaasi hai Sakina, haay, pyaasi hai Sakina
 
1. Allah kare aaye kabhi aisa zamana, 
   Ho shaam ke zindaa ki taraf aapka jaana, 
   Phat jayega dil dekh ke wo gham ka thikana, 
   Behaal huwi kabr mei soti hai sakina, 
   Paani na mila aaj bhi pyaasi hai Sakina,
   Pyaasi hai Sakina, haay, pyaasi hai Sakina

2. Wo janib-e-darya gaye Abbas-e-dilawar, 
   Aur dariya se mashkiza bhara bazua ´┐Że-muztar, 
   Dariya ki har ik moj ye kehti thi tarap kar, 
   Hai teesra din rowe tarapti hai Sakina, 
   Paani na mila aaj bhi pyaasi hai Sakina,
   Pyaasi hai Sakina, haay, pyaasi hai Sakina

3. Kaam agayi jab chaane laga ban me andhera, 
   Zainab ne kiya bhaayi ke laashe pe ye nawha, 
   Kya tumne sakina ko kahi dekha hein bhayya, 
   Ik kuza liye dasht mei aayi hai Sakina, 
   Paani na mila aaj bhi pyaasi hai Sakina,
   Pyaasi hai Sakina, haay, pyaasi hai Sakina

4. Jab gyaara muharram ko suw-e-shaam sidhari, 
   Darya ki taraf dekh ke zainab ye pukaari, 
   Abbas na marjaaye bhatiji ye tumhaari, 
   Be haal meri god mei beythi hai Sakina, 
   Paani na mila aaj bhi pyaasi hai Sakina,
   Pyaasi hai Sakina, haay, pyaasi hai Sakina
 
5. Is tarha sitam dhate hai ab zulm ke baani, 
   Laakar ye bhare kuze bahaadete hai paani, 
   Kuch aur bhi barhjaati hai yu tashnadahani, 
   Bhaayi ki taraf dekhke roti hai Sakina, 
   Paani na mila aaj bhi pyaasi hai Sakina
   Pyaasi hai Sakina, haay, pyaasi hai Sakina

6. Ansu abhi bachi ke nahi paaye the thamne, 
   Phir maar diya durra kisi ehl-e-sitam ne, 
   Sajjad ko har ghaam rulaya issi gham ne, 
   Is umr mei ye sakhtiya sehti hai Sakina, 
   Paani na mila aaj bhi pyaasi hai Sakina,
   Pyaasi hai Sakina, haay, pyaasi hai Sakina

7. Durro ki aziyyat se tarapti hai hazeena, 
   Dukhta hai badan siskiya leti hai Sakina, 
   Sone ke liye paas nahi baba ka sina, 
   Ik kone me sehmi huwi bethi hein Sakina, 
   Paani na mila aaj bhi pyaasi hai Sakina,
   Pyaasi hai Sakina, haay, pyaasi hai Sakina

8) Ye zulm bhi kamsin ke sitamghaaro ne dhaaya, 
   Rakha hai isse qayd waha pari yako tanha, 
   Rehta hai jaha din mei qayamat ka andhera, 
   Dar dar ke na marjaaye haay akeli hai Sakina, 
   Paani na mila aaj bhi pyaasi hai Sakina
   Pyaasi hai Sakina, haay, pyaasi hai Sakina

9) Kehta hai suno hatho(n) ko jore huwe gohar, 
   Aaj aese bahe ankho(n) se ashko(n) ka samandar, 
   Ye kehthi huwi jaaye na shabbir ki dukhtar, 
   Lab khushk zabaan sukhi hai roti hai Sakina, 
   Paani na mila aaj bhi pyaasi hai Sakina
   Pyaasi hai Sakina, haay, pyaasi hai Sakina